Një 20-vjeçar është vrarë në vendin e punës, pasi i kërkoi klientit që të vendosë maskën, si një rregull për parandalimin e përhapjes së Covid-19.
Mediat e huaja shkruajnë se autori është një 49-vjeçar i cili ka pranuar krimin, ndërsa ka deklaruar në polici se veprimi i tij u bë nga zemërimi.
Autori i dyshuar ka akuzuar viktimën si përgjegjës për veprimimin e tij.
Mediat ndërkombëtare shkruajnë se i dyshuari u fut të shtunën në pompën “Aral” rreth orës 7 e 45 minuta në mbrëmje dhe mori një paketim me gjashtë birra. Nga pamjet e kamerave të sigurisë shihet se ai kishte maskë të vendosur në xhepin e pasmë të pantallonave.
Pasi arkëtari i kishte thënë dy herë se është e obligueshme që të vendoset maska përderisa ndodhet brenda lokalit, burri i kishte lëshuar birrat pas shkëmbimit të shkurtër të fjalëve. Ai u kthye dy orë më pas, kësaj radhe me maskë në fytyrë, të cilën e tërhoqi nën mjekër.
“Ai nxori një revolver nga xhepi dhe e qëlloi një herë në mënyrë fatale studentin 20-vjeçar nga Idar-Obstein”, tha policia.
