Lëndimet e muskujve për Simon Kjaer përjashtohen. Mbrojtësi i Milanit, i cili u largua nga fusha në ndeshjen kundër Juventusit për shkak të shqetësimeve në muskujt përkulës të kofshës së djathtë, do të bëjë disa ditë pushim, duke u trajtuar nga stafi mjekësor kuqezi. Kjo u njoftua nga klubi sot, teksa bëri bilancin e të lënduarve në sfidën e radhës në kampionat.
Lajm pozitiv edhe nga Zlatan Ibrahimovic, i cili ndihet më mirë dhe ka filluar të punojë individualisht në fushë për të vlerësuar progresin. Po kështu, edhe Giroud është më mirë dhe ka filluar të stërvitet me grupin. Krunic dhe Bakayoko, nga ana tjetër, do të mungojnë ndeshjen e ardhshme.
Në pritje të vlerësimit të ri mjekësor, riaftësimi i tyre po ecën siç pritej. Konkretisht, Krunic ka dëmtuar pulpën e këmbës, ndërsa Bakayoko vuan nga tendini i Akilit të majtë. Messias gjithashtu do të vazhdojë këtë javë me fazën e fundit të programit të personalizuar atletik. Mes të lënduarve është edhe Calabria, i cili lufton me zgjatjen e muskujve përkulës të kofshës së djathtë.
