Një 26-vjeçar italian u ndalua nga autoritetet në Kakavijë, pasi iu gjet lëndë narkotike në automjet.
Mësohet se policia kufitare ka ndaluar për kontroll në vijën e dytë automjetin Camper “Fiat” që drejtohej nga shtetasi italian D. G., 26 vjeç, banues në Siçili.
Gjatë kontrollit të ushtruar në automjet, Policia i gjeti të riut disa doza kokaine.
Lënda narkotike u sekuestrua bashkë me automjetin dhe 1 aparat celular. 26-vjeçari nga Siçilia u vu në pranga për veprën penale “Trafikim i lëndëve narkotike”.
