“Foltorja”, Berisha cakton Fierin si ndalesën e rradhës. Ja kur mbahet takimi

Ish-Kryeministri Sali Berisha do të vijojë turin e takimeve me bazën e Partisë Demokratike në Fier, në atë që e quan si “Foltore”.

Takimi në Fier do të mbahet ditën e martë në orën 18:00 dhe vjen 5 ditë pas nisjes së turit të takimeve me anëtarësinë e Partisë Demokratike në Tiranë.

Në kryeqytet, Berisha zhvilloi takime me anëtarët e PD të njësive 1, 3 dhe 5, por bashkëbisedimit iu bashkangjitën dhe anëtarë nga qytete të tjera të vendit.

Ish-Kryeministri bëri një “mea culpa” në nisjen e turit të takimeve, ndërsa kërkoi ndjesë për mbështetjen që i ka dhënë Lulzim Bashës për të qëndruar si kryetar i PD.

LEXO EDHE  Her*ina në Durrës/ Kush është biznesmeni i arrestuar

“Nuk e kam njohur deri në këtë masë”, u shpreh Berisha, duke shtuar se “jam takuar me anëtarë të PD që nuk e kanë dashur Lulzim Bashën si kryetar, por më kanë thënë se e mbështesin për shkak se isha unë si mbështetës i tij”.

Nuk dihet nëse ish-Kryeministri do të vijojë me të njëjtat tone akuzash dhe kritikash në drejtim të Bashës edhe në Fier, ndërsa kreu demokrat në një reagim të tij u shpreh se “nuk ka kthim pas lidhur me largimin e Berishës nga Grupi Parlamentar”.