Është mbyllur në barazim pa gola pjesa e parë mes Vllaznisë dhe Teutës e vlefshme për javën e dytë të Superiores.
Në “Loro Boriçi”, tempi i lojës është kontrolluar përgjithësisht nga vendasit pavarësisht se rastin më të pastër për shënim e kishin durrsakët të cilët e mbyllën e parë me 10 futbollistë.
Vllaznia u shfaq mjaft e rrezikshme në minutat e para teksa rasti i parë i rrezikshëm erdhi në minutën e 6-të. Asion Daja i Teutës bën heroin, teksa bllokon një goditje të rrezikshme në zonë, pas një aksioni të rrezikshëm të Da Silvës në krah.
Në minutën e 32-të, shkodranët provojnë rrezikshëm me anë të Heriç. Latifi dërgon një top të bukur në zonë, por mesfushori boshnjak godet keq me kokë, me topin që përfundon sipër portës të mbrojtur nga Pano Qirko.
Rasti më flagrant i 45 minutave të para vjen në minutën e 35-të. Një top i mbajtur gabim nga Mevlan Adili përfundon në këmbët e Sherif Kallakut që asiston bukur për Sebino Plakut, por ky i fundit humbet një rast të artë duke goditur shtyllën.
Teksa pritej vërshëllima për të dërguar lojtarët në dhomat e zhveshjes, Teuta mbetet me 10-të lojtarë. Pas një faulli të ashpër, Todorovski del me karton të kuq nga loja.
Gjyqtari Bajramaj konsultohet dhe me VAR-in për këtë vendim, ka tension në fushë.
https://streamable.com/rtqwj8
https://streamable.com/96ssnp
https://streamable.com/r1pp89
