Qëllohen me armë zjarri dy të rinj në Tiranë

Dy të rinj janë plagosur me armë zjarri rreth mesnatës, në periferi të kryeqytetit. Të plagosurit, një 19-vjeçar dhe një 20-vjeçar ndodhen në spital ku po marrin mjekim.

Sipas policisë, ata ishin duke lëvizur me një automjet që është qëlluar me armë zjarri. Rrethanat e ngjarjes mbeten ende të paqarta.

“Rreth orës 00:05, tek ‘Mbikalimi i Qafë-Kasharit’, në rrethana ende të paqarta dyshohet se janë plagosur me armë zjarri shtetasit E.S., 20 vjeç dhe N.M., 19 vjeç, të cilët ndodhen në spital, nën kujdesin e mjekëve. Janë ngritur pika kontrolli në të gjitha hyrje-dalje të Tiranës dhe vijon kontrolli i zonës me qëllim identifikimin dhe kapjen e autorit/ve. Grupi hetimor po punon për sqarimin e plotë e rrethanave të ngjarjes”, njoftoi policia.

LEXO EDHE  Ja ku do e zhvillojë Berisha ‘Foltoren’ e radhës

Lexo edhe:

DETAJE/ Kush janë të rinjtë që u qëlluan me arm*ë në Tiranë, si ndodhi ngjarja