Bardhi: Rama kampion i mashtrimeve

Sekretari i përgjithshëm i Partisë Demokratike Gazment Bardhi u shpreh se sot  Edi Rama tregoi sot se asgjë nuk ka për të ndryshuar.

Gjatë fjalës së tij në parlament Bardhi u shpreh se kjo qeveri është thjesht një kombinim dhe rezultat i krimit elektoral, i interesave më të errëta dhe korruptive të oligarkëve dhe përfaqësim i bandave të cilat janë kumbare dhe bashkëudhëtare të këtyre, që prej vitit 2013.

‘Ato që nuk bëri dot për 8 vjet, nuk do t’i bëjë as në 8 muaj, as në 18 muaj. Nuk ka per t’i berë asnjëherë, sepse nuk do që t’i bëjë.  Njësoj si sot, Edi Rama premtoi mrekulli për ju edhe në vitin e parë te mandatit, 8 vjet më parë.  300 mijë vende pune, legalizime falas, shëndetësi falas, ulje taksash, drejtësi, rend, siguri, të gjitha cështje që ishin në interesin tuaj dhe të familjeve tuaja.  Shumica i besoi atëherë, por koha tregoi se e gjitha ishte një mashtrim.  Njeriu që keni përpara si kryeminstër është antiligji.  Me pushtetin që ju i deleguat në 2013-ën, ai ndryshoi vetëm jetën e vet dhe të një grushti njerëzish. Janë pasuruar pa fre, ndërsa pjesa tjetër është varfëruar’, deklaroi Bardhi.

LEXO EDHE  Skandali/ Mbi 40 mijë qytetarë kanë marrë përgjigje të gabuar të testit Covid