Vuçiç thirrje popullit të tij: Varni një flamur serb kudo që të jeni

Ditën e sotme, në ditën e Unitetit, Lirisë dhe Flamurit të tyre Kombëtar, presidenti serb Aleksandar Vuçic u bëri thirrje serbëve të varin që të gjithë flamurin serb. Apeli i drejtohet serbëve në Serbi dhe Republikën Srpska, entiteti serb i Bosnjës, por Vuçiç nuk u mjaftua me kaq.

Thirrja e tij përfshinte dhe serbë nga të gjithë vendet e tjera duke përmendur dhe Kroacinë  që luftoi me pakicën e saj serbe në vitet 1991-19 95. Kreu i Bashkimit Demokratik Kroat (HDZ) Branko Bačić e cilësoi këtë lëvizje të presidentit të Serbisë si të papërshtatshme, të papranueshme dhe provokuese, e citoi Aktin e Rendit dhe Ligjit Publik i cili thekson se shpalosja e flamujve të vendeve të tjera nuk lejohet.

Ivana Posavec Krivec, deputete e SDP tha se pakicat kombëtare në Kroaci mund të shfaqin simbolet e tyre kombëtare, por shtoi se ajo nuk beson se qytetarët serbë do ta bëjnë këtë me ftesë të presidentit serb. Deputeti Milorad Pupovac, udhëheqës i Partisë së Pavarur Demokratike Serbe dhe Këshillit Kombëtar Serb (SNV) që përfaqëson pakicën serbe më Kroaci, u distancua nga thirrja e Vuçiç e tha se pavarësisht pritshmërive, do të bënte gjithçka në mënyrë që 15 shtatori të mos prishë marrëdhëniet etnike në Kroaci ose marrëdhëniet mes Kroacisë dhe Serbisë.

LEXO EDHE  U strehuan përkohësisht, 117 afganë largohen drejt Mbretërisë së Bashkuar

Pupovac tha se çdo shfaqje e lidhjes me vendin amë dhe festat e tij, duhet të zhvillohet në përputhje me ligjin e vendit ku ata jetojnë. Presidenti kroat Zoran Milanović e përshkroi  nismën si pa kuptim, duke thënë se “djalli gjen punë për duart boshe”.