VIDEO/ Me maskë anticovid dhe një grua “mburojë”, si u grabit banka në qendër të Athinës

Autoritetet greke janë ende në kërkim të dy autorëve të cilët grabitën bankën në qendër të Athinës ditën e djeshme (14 shtator) dhe u arratisën në këmbë.

Mediat helene kanë publikuar disa foto të momentit të grabitjes ku dy autorët e armatosur arrijnë të vjedhin 11.000 euro dhe largohen nga banka duke përdorur një grua si “mburojë”.

Njëri kishte veshur pantallona të shkurtra, kapele, një maskë mbrojtëse kundër Covid, suze dhe një bluzë me mëngë të gjata.

LEXO EDHE  Erdogan pret Vuçiç në vilën e tij në Stamboll, diskutim edhe për Kosovën

Tjetri, sipas imazheve, ka një çantë shpine, një bluzë me mëngë të shkurtra, pantallona të shkurtra, një maskë kirurgjikale, dhe ka një tatuazh në krahun e majtë.

Grabitja ndodhi në orën 11:35 në qendër të Athinës. Dy autorët hynë në bankë, duke kërcënuar klientët me armë. Me kallashnikov dhe një pistoletë, ata i imobilizuan punonjësit dhe klientët, morën paratë dhe u larguan.