Dëfrim Shabani, tekniku i ashensorit në Astir është lënë në arrest shtëpie pas ngjarjes që rëndë që ndodhi në pallatin ku ai punonte. Në dëshminë e tij, 44-vjeçari është shprehur se nuk e di se çfarë ka ndodhur pasi e kishte kontrolluar ditë më parë.
“E kam kontrolluar dhe rregulluar pak ditë para ngjarjes se kishin ankesa banorët. Nuk e di ç’ka ndodhur. Nuk kam faj”, tha ai.
Pritet që ashensori ti nënshtrohet ekspertizës nga ekspertët për të mësuar shkakun e ngjarjes.
Shkëputja e ashensorit ndodhi tre ditë më parë në zonën e Astirit në Tiranë. Kavot u shkëputën rreth orës 00:05 duke lënë të plagosura dy gra, një prej tyre shtatzënë. Ngjarja e rëndë tronditi banorët të cilët për mediat janë shprehur se kanë ngecur dhe më parë në ashensor. Inspektorati Shtetëror i Mbikëqyrjes së Tregut, konfirmoi zyrtarisht përmes një njoftimi se ashensori i pallatit nuk rezulton i regjistruar dhe nuk ishte kolauduar prej kohësh. Madje, shtoi se kavot nuk ishin ndërruar që nga koha kur ashensori ishte montuar.
