FOTO/ Vr*sja e Sabrina Bengaj, protesta para Ministrisë së Brendshme

Në Tiranë, para Ministrisë së Brendshme, dhe në Fier, janë organizuar protesta për vrasjen e 23-vjeçares, Sabrina Bengaj, nga ish-burri, Elton Metaj.

Me pankarta nëpër duar, gra dhe vajzat janë mbledhur sot rreth orës 18:00, për ngjarjen që tronditi vendin 5 ditë më parë, në Fier.

Po ashtu, edhe një protestë e ngjashme është duke u zhvilluar në qytetin e Fierit, duke kërkuar drejtësi për të renë. Vëllai i një prej viktimave nga dhuna e bashkëshortëve ka treguar eksperiencën e tij tragjike për mediat në protestën e zhvilluar ditën e sotme në Fier.

LEXO EDHE  Koronavirusi/ Rëndohet situata në Shqipëri, 942 të infektuar dhe 6 v*ktima në 24 orët e fundit

“Ime motër është vrarë nga ish-bashkëshorti dhe fëmijët e saj i kam unë. 90% e tyre vrasësve mendojnë vetëm për veten. E kemi të vështirë, kemi edhe kërcënime nga krimineli që ka vrarë motrën. Unë kam bërë denoncim dhe janë mbyllur të dyja nga prokuroria e shtetit. Ata i kanë mbyllur për arsye të ndryshme. Halli na ka ngelur neve. Rivendosja e dënimit me vdekje mund të jetë arsyeja që t’i pakësojë, jo t’i eliminojë”, tha qytetari.