“Tradhtoi” Skënderbeun në sfidën ndaj Tiranës, Zguro i vendosur: Do të ngrihem dhe do vazhdoj përpara

Kartoni i kuq në ndeshjen Tirana – Skënderbeu (4-2) duket se ka bërë që Vangjel Zguro të reflektojë ditë pas dite.

Mbrojtësi i korçarëve që ka një peshë të madhe te bardhekuqtë ka bërë një postim në rrjetet sociale ku tregon se do të vazhdojë të shohë përpara. Në instagramin e tij, mëngjërashi 28-vjeçar shkruan:

“Dështimi të jep dy zgjedhje: Të vazhdosh të rrish poshtë apo të ngrihesh dhe të vazhdosh përpara. I fortë është ai që ngrihet dhe vazhdon përpara. Unë gjithmonë jam munduar të ngrihem dhe të vazhdoj përpara”.

LEXO EDHE  Asnjë fitore në tre javët e para, Ilir Daja gjen “defektin” e Partizanit

Kujtojmë që pas ndeshjes, trajneri Migen Memelli u shpreh i pakënaqur me veprimet e Zguros në fushë. Një nga lojtarët më me eksperiencë në elitë e la ekipin me 10 vetë duke mos arritur të japë kontributin e tij kundër Tiranës.