Supersfida e javës së dytë në Superiore, Vllaznia publikon çmimet e biletave

KF Vllaznia

Vllaznia dhe Teuta përballen të shtunë në 19:45 në “Loro Boriçi”. Ndeshja e javës së dytë të Superligës është e rëndësishme për dy skuadrat, që kërkojnë pikët e radhës pas fitoreve në javën hapëse.

Shkodranët kthehen në shtëpi dhe do kërkojnë suksesin ndaj kampionëve të vendit, duke pasur mbështetje edhe tifozët. Në masën 30 përqind, pritet që tifozët të mbushin stadiumin me numrin e lejuar. Nga 300 deri në 1500 lekë, kaq variojnë çmimet.

Njoftimi:

NIS SHITJA E BILETAVE TË NDESHJES VLLAZNIA- TEUTA
Të nderuar tifozë!
Ju bëjmë me dije se sot nis shitja e biletave të ndeshjes Vllaznia- Teuta që do të luhet ditën e shtunë në orën 19.45 në stadiumin “Loro Boriçi”.
KF Vllaznia njofton se ka hapur edhe një pikë të re për shitjen e biletave dhe duke filluar nga sot ora 18.00 dhe çdo ditë në vijim nga ora 08.00- 21.00, ato mund t’i siguroni pranë Librarisë “Ora e Shkodrës” në qendër të qytetit.
Ndërkohë, duke filluar nga nesër në ora 16:30- 20:30 dhe deri të premten në këto orare, biletat do të shiten edhe tek sporteli pranë stadiumit “Loro Boriçi”. Ditën e ndeshjes sporteli do të jetë i hapur nga ora 10.30 deri në fillimin e ndeshjes.
Po ashtu, të interesuarit mund t’i blejnë biletat edhe online.
Eja edhe ti!
Vllaznia ka nevojë për ju!
Forca Vllaznia!

LEXO EDHE  Leon Goretzka rinovon me Bayern deri në 2026, ja sa do të përfitojë në një vit mesfushori