Gutierres: Pluralizmi mediatik në Shqipëri është shumë i rrezikuar

Sekretari i Përgjithshëm i Federatës Europiane të Gazetarëve, Ricardo Gutierres, në një intervistë me Skype me moderatorin Adi Krasta në “A Show” në Syri Tv, foli për situatën e mediave në vendin tonë.

Gutierres thekson se pluralizmi mediatik në Shqipëri është shumë i rrezikuar.

“Qeveria shqiptare duhet të promovojë vlerat demokratike. Shqipëria nuk njihet si një vend që stimulon lirinë e medias, përkundrazi Shqipëria po bëhet kampione e padive kundër gazetarëve. Shqipëria ka paditur gazetarë të pavarur. Pluralizmi mediatik në Shqipëri është i rrezikuar. Janë vetëm 2-3 media që mund të raportojnë interesin publik, të tjerat janë të lidhura me qeverinë dhe biznesmenë.

LEXO EDHE  Gjyqtarja Goxha përballet me KPK, dyshime mbi transaksionet dhe depozitat bankare të prindërve

Nuk ka llogari-dhënie nga politikanët dhe biznesmenët. Në Shqipëri ka raste arrestimi të gazetarëve, janë gjithsej 26 padi ndaj njerëzve të mediave. Gazetarët në Shqipëri janë vetëcensurues e nuk janë fajtorë gazetarët për këtë, por politikanët duhet të krijojnë frymën e lirisë në mbështetje të lirisë së medias. Rama të zbatojë 30 pikat e rekomandimeve”, deklaroi Gutierres.