Ambasadorja amerikane, Yuri Kim ka zhvilluar një takim me kreun e SPAK, Arben Kraja. Raportohet se takimi që zgjati rreth 30 minuta u zhvillua në zyrën e Arben Krajës në Prokurorinë e Posaçme.
Lidhur me takimin nuk ka pasur asnjë reagim nga palët apo institucionet përkatëse.
Një takim mes të dyve u zhvillua edhe javën e kaluar. Pas takimit, Kim shkroi në Twitter:
“U takova me kreun e SPAK Arben Kraja për të nënvizuar pritjen e SHBA që SPAK do të luftojë korrupsionin dhe krimin e organizuar, pa marrë parasysh sa i fuqishëm apo i pasur, pavarësisht se cila parti. Me më shumë prokurorë dhe hetues të rinj të BKH, SPAK po jep gjithnjë e më shumë rezultate çdo ditë. Që nga fillimi i vitit 2021, SPAK ka hapur 264 raste të reja (218 korrupsion + 46 organizata kriminale). 127 persona janë dënuar. Vendimet përfundimtare të gjykatës konfirmuan konfiskimin e 70+ milion euro që tani i janë transferuar shtetit shqiptar. Hap pas hapi”.
