Ja kur e nis turin e takimeve me anëtarët e PD-së, Sali Berisha

Ish-kryeministri Sali Berisha, i ftuar në emisionin Çim Peka Live në Syri Tv, deklaroi se do të nisë lëvizjen e tij në PD.

Berisha theksoi se takimi i tij me bazën e Partisë Demokratike do jetë të enjten në Tiranë dhe më pas në mbarë Shqipërinë.

“Basha vepron për interesin e tij. Basha e ka marrë këtë vendim për pazar ose interes personal. Takimi im i pare me anëtarësin e PD do jetë në Tiranë dhe më pas në të gjithë Shqipërinë.

Lëvizja ime ka si synim që të vendoset dinjiteti i çdo anëtari të PD-së, të ketë edhe hapje në Partinë Demokratike, patjetër. PD i ka jetike flukset e reja, që të vijnë të rinj e të reja, por edhe burra e gra. Ka forca PD, në Këshill Kombëtar, parlament, duhet t’i hapet frymëmarrja Partisë Demokratike. Lëvizja ime është për bashkimin dhe zmadhimin e PD-së”, deklaroi Berisha.

LEXO EDHE  Covid-19 në Shqipëri, 35 humbje jete dhe mbi 6 mijë raste në 1 javë

Ish-Kryeministri tha se kjo lëvizje nuk synon krijimin e një Grupi të ri Parlamentar, ndërsa shtoi se gjithkush që dëshiron, drejtues apo ish-drejtues të PD, mund ti bashkohen.