Guterres: Shumë e rëndësishme të diskutojmë me talebanët

Sekretari i Përgjithshëm i OKB-së, Antonio Guterres, e vlerësoi sot “shumë të rëndësishme” që Kombet e Bashkuara të diskutojnë me talebanët, në veçanti për të lehtësuar shpërndarjen e ndihmës humanitare në Afganistan, një ndihmë që duhet të shërbejë si një “levë” për të drejtat e njeriut.

“Është e pamundur të sigurosh ndihmë humanitare në Afganistan pa diskutuar me autoritetet de facto të vendit”, tha Guterres në një konferencë shtypi.

LEXO EDHE  Pemët më të mëdha në botë vishen me fletë alumini, rrezikojnë zhdukjen nga zjarret

“Unë besoj se është shumë e rëndësishme të flasësh me talebanët në këtë kohë, për të gjitha aspektet që shqetësojnë komunitetin ndërkombëtar, pavarësisht nëse është terrorizmi, të drejtat e njeriut, droga apo natyra e qeverisë”, shtoi ai.

Pothuajse një muaj pasi talebanët morën pushtetin, Guterres theksoi se OKB -ja ishte “shumë e vendosur për të ofruar ndihmë humanitare për popullin afgan”.