Avaria e autobusit bllokon qarkullimin, ja apeli i Policisë së Tiranës

Një incident ka ndodhur ditën e sotme në Misto Mame, aty ku një autobuz ka pësuar avari dhe ka shkaktuar trafik në zonë.

Policia në njoftimin zyrtar i kërkon qytetarëve të gjejnë mënyra alternative për të kaluar në mënyrë që të shmanget përkeqësimi i mëtejshëm i trafikut.

Muaj më parë kur nga Bashkia e Tiranës u pranua rritja e çmimit të biletave në transportin publik, Kryebashkiaku Erion Veliaj, premtoi se do të investohej në flotën e linjave të këtij transporti, madje shpeshherë ai ka dhuruar edhe show, duke u shfaqur në linjat urbane.

LEXO EDHE  Parashikimi i motit për ditën e premte, 17 shtator 2021

Njoftimi:

Tiranë

Gjatë rrugës që shkon për në Kombinat, në vendin e quajtur “Misto Mame”, një mjet autobuz i linjës “Kombinat-Kinostudio” ka pësuar avari, dhe për pasojë ka sjellë rëndim të trafikut.

Policia Rrugore i bën thirrje të gjithë drejtuesve të mjeteve që të përdorin rrugët alternative për të mbërritur në destinacionin e tyre.

Shërbimet e Qarkullimit Rrugor sëbashku me shërbimet e Patrullës së Përgjithshme po punojnë për normalizimin e situatës.