Dy persona janë arrestuar nga policia e kryeqytetit pasi në makinën me të cilën lëviznin janë gjetur dy granata dore.
“Shërbimet e Komisariatit të Policisë Nr. 2, bazuar dhe në informacionet e marra në rrugë operative, në vendin e quajtur ‘Pallati me Shigjeta’ kanë ndaluar për kontroll mjetin tip ‘Volkswagen Golf’ me drejtues shtetasin F.L. dhe pasagjer K.H.. Gjatë kontrollit të ushtruar në mjet, poshtë sediljes së pasagjerit ku ndodhej shtetasi K.H., shërbimet e Policisë gjetën dhe sekuestruan dy granata dore”, njoftuan blutë.
Në përfundim të veprimeve, specialistët bënë arrestimin në flagrancë për veprën penale “Mbajtja pa leje dhe prodhimi i armëve shpërthyese dhe municionit” të shtetasit K.H., 27 vjeç, banues në Pogradec dhe për veprën penale “Moskallëzim i krimit” shtetasin F.L., 44 vjeç, banues në Pogradec, shtuan të njëjtat burime.
DENONCO