Ish-modelja e njohur greke, Elena Polychronopoulou, është arrestuar për posedim të një sasie të madhe kokainë. Më shumë se 7 kilogramë kokainë u gjetën në shtëpinë e 26-vjeçares në Pagrati, si dhe peshore precize dhe rreth 5 mijë euro.
E reja, dyshohet se posedonte kokainë së bashku me partnerin e saj, i cili gjithashtu u arrestua.
Oficerët e policisë të Prokurorisë së Drogës kishin marrë informacione disa ditë më parë dhe pasditen e djeshme arrestuan çiftin.
Partneri i saj bëri rezistencë gjatë arrestimit, pasi sulmoi policinë.
