Gyqtari Piro Sota u dorëhoq një vit pasi filloi procesi i vetingut ndaj tij

Trupa gjykuese, Valbona Sanxhaktari, Pamela Qirko, Lulzim Hamitaj, Gjyqtarja e Apelit Administrativ, Fjoralba Prifti, gjate nje seance te Komisionit te Pavarur te Kualifikimit, KPK, i cili e ka shkarkuar ate nga detyra. Prifti u konstatua me probleme ne pasuri, e cila eshte nje nga 3 kriteret e vettingut, pasuria, pastertia e figures dhe profesionalizmi. /r/n/r/nTrial panel, Valbona Sanxhaktari, Pamela Qirko, Lulzim Hamitaj, Judge at the Administrative Court of Appeal in Tirana, Fjoralba Prifti during a session of the Independent Qualification Commission, IQC, which dismissed her from office. Prifti was dismissed from office by IQC, as she was found to have discrepancies in assets, as one of three criteria of Vetting process, wealth, background and personal skills.

Komisioni vendosi të ndëpresë procesin e rivlerësimit për gjyqtarin e Gjykatës së Fierit, Piro Sota për shkak të dorëheqjes së tij nga detyra dhe i ndaloi rikthimin në sistemin e drejtësisë për 15 vite.

Komisioni i Pavarur i Kualifikimit, KPK vendosi të enjten më 9 shtator të ndëpresë rivlerësimin për gjyqtarin e Fierit, Piro Sota për shkak të dorëheqjes së tij. Gjithashtu, është vendosur sanksioni që i heq të drejtën për rikthimin e tij në sistemin e drejtësisë gjatë 15-viteve të ardhshme.

Në vendimin e arsyetuar të KPK sqarohet se procesi i vetingut për Sotën kishte filluar në qershor të vitit 2020. Një vit më vonë subjekti ka depozituar pranë Këshillit të Lartë Gjyqësor, KLGj dorëheqjen nga detyra.

Me vendimin e datës 22 korrik, KlGj ka vendosur deklarimin e mbarimit të statusit të magjistratit të gjyqtarit Piro Sota, për shkak të dorëheqjes së tij. Komisioni ka konfirmuar se vendimi i KLGj-së nuk është ankimuar, si dhe Sota ka shprehur vullnetin për të mos e ushtruar të drejtën për t’u dëgjuar në seancë dëgjimore, shkruan BIRN.

LEXO EDHE  Koronavirusi në Greqi/ 31 v*ktima dhe 2125 raste të reja në 24 orët e fundit

Të enjten, trupi gjykues i kryesuar nga Firdes Shuli, me relatore Xhensila Pine dhe anëtar Olsi Komicin, vendosi të deklarojë ndërprerjen e procesit të rivlerësimit kalimtar për gjyqtarin e Fierit Piro Sota. Po ashtu, është vendosur ndalimi i emërimit të tij si gjyqtar ose prokuror i çdo niveli, anëtar i Këshillit të Lartë Gjyqësor ose i Këshillit të Lartë të Prokurorisë, Inspektor i Lartë i Drejtësisë ose Prokuror i Përgjithshme, për një periudhë 15-vjeçare.