Kreu i Partisë Demokratike, Lulëzim Basha u shpreh paraditen e së Premtes, pas punimeve të seancës së parë plenare të legjislaturës e X të Kuvendit, “se i vetmi armik është Edi Rama”, ndërsa u pyet nga gazetarët lidhur me deklaratat e ish-kryeministrit Sali Berisha.
”Shqipëria, shqiptarët, demokracia e shqiptarëve, e ardhmja e familjeve shqiptare tyre, ka një dhe vetëm një armik, Edi Ramën dhe regjimin e tij të dalë nga zgjedhjet e paligjshme, të cilat PD nuk i njeh”, deklaroi Basha për mediat, teksa po shkonte drejt selisë së PD-së.
Kreu i PD-së Basha njoftoi të Enjten vendimin e tij si kryetar për të përjashtuar nga grupi parlamentar i PD-së, Sali Berishën pas shpalljes së këtij të fundit “non grata” nga DASH.
Në reagim të këtij vendimi, Berisha u shpreh sot se “do të marrë çdo nismë ligjore statutore brenda PD-së për rikthimin e saj në piedestalin që meriton”. Berisha tha se pas vendimit të Bashës për përjashtimin e tij nga grupi parlamentar demokrat, fshihet një “marrëveshje e pisët Rama-Basha”.
