KPK shkarkon gjyqtaren e Tiranës, Kaçe Agolli

Komisioni i Pavarur i Kualifikimit, KPK shpalli të Premten vendimin e shkarkimit të gjyqtares se Gjykatës së Tiranës, Kaçe Agolli.

Gjatë seancës dëgjimore, zhvilluar të Mërkurën, gjyqtarja Kaçe Agolli u përball në KPK me dyshime për përfitim të paligjshëm të një apartamenti, një raport me probleme të profesionalizmit dhe dyshimet mbi një vendim që i jepte 433 milion euro dëmshpërblim kompanisë së biznesmenit të shumë përfolur Francesco Bechetti kundër gjigandit italian të energjisë Enel.

LEXO EDHE  Rritja e çmimit të bukës/ Nënkryeministri i Ramës: Është i papërballueshëm për qytetarët

Procesi i vetingut për gjyqtren Agolli u krye nga trupi gjykues i KPK i kryesuar nga Xhensila Pine, me relatore Valbona Sanxhaktarin dhe anëtar Olsi Komicin.

Kaçe Agolli e ka filluar karrierën në sistemin e drejtësisë në vitin 1996 dhe punon prej më shumë se dy dekadash si gjyqtare në Gjykatën e Tiranës.