Akuzat për p*rdhunim, kampioni i botës do ta kalojë vitin në burg

Foto: fcbarca.com

Benxhamin Mendi nuk do të lirohet nga burgu, të paktën në vitin 2021. Ky ka qenë vendimi i gjykatës së Çester, e cila ka refuzuar kërkesën e radhës për lirimin me garanci pasurore të yllit të Francës dhe Mançester Sitit.

Mendi akuzohet për përdhunimin e tre grave, një nga të cilat minorene, si dhe për një agresion seksual, ngjarje të ndodhura të gjitha gjatë vitit të fundit. Ai u arrestua në gusht nga policia britanike e cila kishte nisur hetimet prej disa kohësh ndaj tij. Bashkë me të u arrestua edhe një person tjetër, i rrethit të ngushtë të futbollistit, i cili u lirua më pas me garanci pasurore, gjë që i mohohet aktualisht lojtarit.

LEXO EDHE  Bundesliga/ Bayern Munchen i papërmbajtshëm, i jep shtatë “shuplaka” Bochumit

Seanca e parë e mirëfilltë gjyqësore për çështjen në fjalë do të zhvillohet më 24 janar, që do të thotë se Mendi do të mbyllë vitin pas hekurave. Më 15 nëntor do të ketë edhe një tjetër seancë preliminare, por në mediat angleze bëhet e ditur se aty është thuajse e pamundur që lojtarit t’i jepet liria qoftë edhe me garanci pasurore.