Sherri në sfidën Poloni-Angli, UEFA hap hetim pas ndeshjes

Ndeshja e mbrëmshme ndërmjet Polonisë dhe Anglisë prodhoi tension të madh në fushën e lojës pas një kacafytje të futbollistëve në pjesën e parë të ndeshjes.

Protagonist u bë lojtari polak Kamil Glik dhe ylli anglez Kajl Uoker. Glik e humbi toruan duke e kapur për fyti kundërshtarin e tij, veprim i cili nxiti dhe reagim nga radhët e futbollistëve të ‘’3 Luanëve’’.

Zënka u shua shpejtë, por pjesëtarë të stafit anglez janë ankuar tek gjyqtari i katërt që ka mbajtur shënim çdo gjë. Raporti ka përfunduar në UEFA, dhe është hapur një hetim mbi këtë ndeshje.

LEXO EDHE  Skënderbeu-Partizani/ Goditje dënimi mjeshtërore, Rexhepi i mohon Mustës golin

Lojtarët anglez raportuan për fyerje raciste ndaj tyre, ndërsa vetë Glik foli për episodin pas ndeshjes duke u shprehur se Uoker refuzoi t’i shtrëngonte dorën në fundin e ndeshjes.