Flamur Noka dhe Bujar Leskaj ishin dy deputetët e parë që në mbledhjen e Grupit Parlamentar të PD kanë kundërshtuar vendimin e Lulzim Bashës për përjashtimin nga ky grup.
Nga raportimet mësohet se Leskaj dhe Noka e konsideruan vendimin si të gabuar dhe të pakonsultuar. Në mbledhjen me dyer të mbyllura që po zhvillohet në selinë e PD, raportohet se dy ligjvënësit janë shprehur se me një vendim të tillë po fshihet historia e PD.
Nga raportimet mësohet se Noka dhe Leskaj janë shprehur se me këtë vendim u shkel edhe statuti i Partisë Demokratike.
Basha mblodhi Grupin Parlamentar të PD, pasi artikuloi në media vendimin personal për përjashtimin e Berishës nga ky grup parlamentar.
