U kap me 11 refugjatë në makinë, arrestohet/ VIDEO

Refugjatët nga vendet e Lindjes vijojnë ta përdorin Shqipërinë si tranzit për kalimin në vendet e Bashkimit Europian.

Edhe këtë të Mërkurë, u kap një grup me 11 refugjatë, ndërsa shoferi i mjetit, një 47-vjeçar nga Berati, është arrestuar në Fier.

“Pas informacioneve të marra në rrugë policore se një automjet furgon tip ‘Benz’ po transportonte klandestinë drejt Tiranës, finalizuan operacionin policor të koduar ‘Poçemi’, në përfundim të të cilit u arrestua në flagrancë shtetasi E. I., 47 vjeç, banues në Berat. Ky shtetas u kap në kushtet e flagrancës nga shërbimet e Policisë në vendin e quajtur ‘Poçem’, duke transportuar me automjetin tip ‘Benz’, 11 emigrantë të paligjshëm, të cilëve iu kishin premtuar kalimin drejt vendeve të BE-së, kundrejt pagesës”, njoftoi policia.

LEXO EDHE  Ish-diplomati serb, Vuçiç shpresoi që SHBA-ja t’i kundërvihej Kurtit, Rusia s’na mbron në luftë

Ndaj të arrestuarit rëndon akuza për veprën penale “Ndihma për kalim të paligjshëm të kufijve”.