Bota do njihet me historinë e jetës se Georgina Rodriguez pasi do të shfaqet së shpejti në “Netflix”.
Georgina punonte si shitëse në një dyqan të rrobave “Gucci” në Madrid, ku aty një ditë u shfaq Ronaldo si klient dhe nga ky takim i parë i tyre ndryshoi gjithçka për bukuroshen. Nga një vajzë që fitonte 10 euro në orë, jeta e Georgina-s ndryshoi me 360 gradë.
“Në dokumentar Georgina pranon se jeta e saj ndryshoi nga të mos pasurit asgjë në absolutisht gjithçka. Ajo ishte e re, e zakonshme, jeta e së cilës ndryshoi në mënyrë drastike. Ajo po largohej nga puna një ditë dhe rruga iu kryqëzua me dashurinë e jetës së saj. Kush nuk e ka ëndërruar këtë”, kështu shprehet Alvaro Diaz, një drejtues i “Netflix”, i cili ka zbuluar shkurtimisht momente nga xhirimi i dokumentarit.
Në serinë e parë të këtij dokumentari, Georgina Rodriguez do të shfaqet duke thënë: “Shumë njerëz e dinë emrin tim, por pak njerëz e dinë kush jam.
Unë jam 27 vjeç dhe jeta ime ndryshoi 5 vite më parë. Ditën kur takova Cristiano-n, ishte verë, ditë e enjte, dhe kur po dilja nga dyqani, u shfaq një burrë i pashëm gati 2 metra i gjatë”.
Gjithashtu në këtë dokumentar do të shfaqet edhe Cristiano Ronaldo, që do të flasë për njohjen me dashurinë e tij.
“Gjithçka ndodhi në sekonda. Nuk e kisha menduar ndonjëherë se do të ishin ndjenja kaq të mëdha sa të dashurohesha me të, nuk e prisja. Georgina është gruaja me të cilën jam krejtësisht i dashuruar”, shprehet CR7 sipas mediave të cilat zbuluan këto fragmente nga rrëfimi i futbollistit.
