Federata Shqiptare e Futbollit ka projektuar t’u “dhurojë” 30 fusha klubeve të Superligës. Një fushë me përmasa normale dhe dy të vogla, kjo është ajo që FSHF ka projektuar për elitën. Shtypi i shkruar bën me dije se disa skuadra kanë refuzuar pasi FSHF ka dashur të marrë në pronësi këto investime.
Të parët që përfitojnë janë Partizani, Tirana, Teuta dhe Kukësi, kjo për shkak se kushti i FSHF për të ndërtuar fushat është ai i një kompleksi. Këto skuadra i plotësojnë kushtet, ndërsa te Tirana puna në kompleksin “Skënder Halili” ka nisur.
Pritet që të gjitha skuadrat të japin “ok” për të pasur fusha cilësore në dispozicion. Prej vitesh projekti i 100 fushave është një ide e FSHF-së, që nuk ka marrë mbështetjen e ministrisë së Arsimit dhe Sportit.
