Detaje nga arratisja e palestinëve, rojet i kishte zënë gjumi (Video)

Një hetim fillestar mbi arratisjen e gjashtë të burgosurve palestinezë që dolën përmes një tuneli nga një burg izraelit i sigurisë së lartë, tregon se kamerat e vëzhgimit regjistruan momentin kur burrat dolën nga tuneli, por asnjë nga rojet në dhomën e kontrollit nuk e vuri re.

Sipas medieve të huaja, një nga rojet në burgun Gilboa, i cili ishte në detyrë në kullën e vrojtimit me pamje nga hapja e tunelit, ishte në gjumë gjatë arratisjes së tyre, thuhet në hetimin e publikuar të martën nga autoritetet e burgut të Izraelit.