Zana Guxholli, e cila ka qenë një prej këshilltareve të ish-Kryeministrit Sali Berisha, u shpreh sot se kreu demokrat Lulzim Basha, duhet të shprehet në lidhje me atë që konsiderohet si çështja e nxehtë e politikës, hyrjen e liderit historik të demokratëve në Kuvendin e Shqipërisë, pas shpalljes non grata nga SHBA.
E ftuar në studion e Radar Informativ, Guxholli theksoi se Lulzim Basha nuk duhet të qëndrojë në heshtje për çështjen e Berishës.
“Basha duhet të japë qëndrimin e tij, kuptohet që nuk është e lehtë. Për momentin është e pamundur që një lider të fshihet me një goditje, pavarësisht se vjen nga SHBA. Duke qenë se këtu ka një pikëpyetje se ka qenë po ky shtet që kryeministrin e asaj kohe e ka ngritur në qiell. Ky qëndrim vë pikëpyetjen para të gjithëve. Duhen argumente që ta rrëzosh si figurë sepse ka mbështetje. Basha duhet të shprehet dhe të japë qëndrimin e tij dhe jo të heshtë që të gjithë të jenë të qartë,” deklaroi Guxholli.
