Po iknin me jaht në Angli, kapen 16 shqiptarë

Një jaht me 16 shqiptarë është bllokuar nga policia holandeze.

Përmes një postimi në twitter mediat lokale bëjnë me dije se krahas tyre janë kapur edhe dy persona me origjinë nga Ukraina që besohet se ishin drejtuesit e jahtit, i cili do të vijonte lundrimin për në Angli.

Të dy ata do të akuzohen për trafik të qënieve njerëzore, ndërsa janë publikuar edhe pamjet e jahtit të bllokuar. Nuk bëhet e ditur se nga ishin nisur shqiptarët, ndërsa destinacioni i tyre ishte Britania e Madhe.

Mësohet se policia është duke bërë hetime të tjera në lidhje me këtë rast të trafikut njerëzor, pasi është rast i përsëritur dhe dyshimet janë se bëhet fjalë për një linjë, e cila përdoret vazhdimisht nga grupe që duan të kalojnë emigrantë të paligjshëm në ishullin britanik.

LEXO EDHE  Merkeli më e preferuar se Macroni për të drejtuar Evropën