Berisha: PD në ditën e saj më kritike, ja çdo të bëja po të isha Kryetar i partisë

Ish-Kryeministri Sali Berisha u shpreh sot se ka qenë kundër mbajtjes së zgjedhjeve në Partinë Demokratike, para mbylljes së analizës për zgjedhjet e 25 prillit, që cilësohen si batërdi apo masakër elektorale.

“Unë nuk jam nga ata që them se PD nuk kishte përgjegjësi për rezultatin e 25 prillit, por më bizarrja ishte se vendimi për zhvillimin e zgjedhjeve në parti u morën në mënyrë unanime nga të gjitha palët e pranishme në mbledhjen ku u mor vendimi.

Opozita është në ditën më kritike të saj, sikundër edhe Shqipëria ndodhet në momentin më kritik në 30 vite. Opozita nis jetën parlamentare me 60 mijë vota më pak se në vitin 2013, pas 3 humbje rradhazi parlamentare, fillon jetën në kushtet kur ajo u mor me veten e saj, nëse opozita nuk gjen forma modalitetesh, Edi Rama në zgjedhjet e ardhshme do të dyfishojë batërdinë zgjedhore.

Opozita duhej të penalizonte shumë më tepër Edi Ramën për atë që e quan masakër zgjedhore, në mënyrë që ndërkombëtarët të mos thonin atë që tha, por të thonin atë që u tha në 2001, se në 25 prill, zgjedhjet nuk shprehnin vullnetin e shqiptarëve”, tha Berisha në emisionin Now në Euronews Albania.

LEXO EDHE  Përplasjet në kufi/ Gazetari boshnjak: Nëse do isha politikan në Tiranë ose Shkup nesër do deklaroja se ‘Open Balkan’ ka përfunduar

Berisha tha se nëse do të ishte kryetar i PD, jo në rrethanat e djegies së mandateve, dhe në kushtet kur u publikuan të dhënat e 1 mln shqiptarëve, nuk do të hyja në zgjedhje.

“Ne kishim dalë jashtë sistemit dhe nuk mund të bojkotonim më zgjedhjet”, tha Berisha. Sipas tij, opozita duhet të bashkojë jo vetëm faktorin opozitar, por cilindo faktor të shoqërisë kundër Edi Ramës.

Berisha tha se opozita duhet të angazhohet në protesta brenda dhe jashtë Parlamentit, duke shtuar se nuk mund të ketë stabilitet pa votë.

“Ndërkombëtarët i kanë njohur zgjedhjet, por i ka damkosu në dy aspekte, por nuk vendosi sanksione ndaj partisë-shtet”, tha Berisha.