hërbimi Meteorologjik Ushtarak ka bërë parashikimin e motit për ditën e hënë dhe ditët e tjera të javës që vjen.
Përgjatë të gjitha ditëve duke nisur nga dita e hënë dhe deri ditën e premte moti parashikohet me kthjellime si dhe alternime vranësirash mesatare dhe hera-herës deri të dendura.
Moti i vranët parashikohet kryesisht nga orët e mesditës deri ato të pasdites.
Paqëndrueshmëria e motit do të shoqërohet edhe me reshje shiu. Ditën e Hënë si dhe ditën e Enjte në zonën e jugut dhe pjesërisht atë të qendrës parashikohen reshje shiu me intensitet të ulët deri mesatar në formën e shtrëngatave.
Lokalisht dhe në kohë afatshkurtër këto reshje do të jenë në formën e rrebesheve dhe stuhive shoqëruar me shkarkesa elektrike dhe breshër.
Për ditët e tjera të javës, në pjesën tjetër të territorit, parashikohen reshje shiu të dobëta dhe lokale më tepër në relievet kodrinore dhe ato malore.
