Ndërroi jetë në aksidentin tragjik, e dashura i jep lamtumirën e fundit reperit grek

remonews.com

Dy ditë më parë, u nda nga jeta reperi i njohur grek, Mad Clip pas një aksidenti fatal në Atikë. Ai po kthehej nga dasma e shokut të tij.

Reperi 34-vjeçar, i cili është i apasionuar pas shpejtësisë, është përplasur teksa po udhëtonte me makinën e tij ‘Porsche’. Pasi kaloi katër semaforë të kuq, makina që po ngiste, devijoi nga rruga dhe u përplas në një shtyllë dhe më pas me një pemë. Përplasja ishte tepër e fortë, pasi mjeti thuajse u shkatërrua plotësisht dhe grupit të hetimit iu desh kohë të zbulonte që viktima ishte reperi, emri i vërtetë i të cilit është Peter Anastasopoulos.

LEXO EDHE  U zhduk në mënyrë misterioze gjatë udhëtimit me të dashurin, gjendet trupi i pajetë i vlogeres 22-vjeçare

12 zjarrfikës shkuan në vendngjarje me 4 automjete, të cilët e liruan reperin pa ndjenja nga rrënojat e automjetit pas dy orësh.

Ndërkohë, partnerja Anna Maria Iliadou, i tha lamtumirë Mad Clip përmes një postimi në llogarinë e saj personale në Instagram. Modelja, në një sfond të zi shkroi “RIP Mad” duke vënë pranë një pëllumbi të bardhë dhe një zemër të thyer.