Moti ditët në vijim, zonat ku priten reshje të dendura

Duke nisur nga dita e nesërme dhe deri ditën e Premte, moti parashikohet me kthjellime si dhe alternime vranësirash mesatare dhe hera-herës deri të dendura. Moti i vranët parashikohet kryesisht nga orët e mesditës deri ato të pasdites.

Sipas Shërbimit Meteorologjik Ushtarak, paqëndrueshmëria e motit do të shoqërohet edhe me reshje shiu. Ditën e nesërme si dhe ditën e Enjte në zonën e jugut dhe pjesërisht atë të qendrës parashikohen reshje shiu me intensitet të ulët deri mesatar në formën e shtrëngatave. Lokalisht dhe në kohë afatshkurtër këto reshje do të jenë në formën e rrebesheve dhe stuhive shoqëruar me shkarkesa elektrike dhe breshër.

LEXO EDHE  Fauci: Vaksinat nuk të shkaktojnë impotencë: Kjo as nuk mund të imagjinohet

Për ditët e tjera të javës, në pjesën tjetër të territorit, parashikohen reshje shiu të dobëta dhe lokale më tepër në relievet kodrinore dhe ato malore.