Getinjo reagon ashpër pas anulimit të “Alba Festival”: Është racizëm, ky është diskriminim

Festivali më i madh shqiptar në Zvicër, Alba Festival, është anuluar për këtë vit si pasojë e situatës së krijuar nga pandemia.

Ky lajm është bërë i ditur nga organizatorët e këtij festivali.Ata kanë njoftuar se me keqardhje festivali do anulohet dhe vendimi për këtë është marrë në më pak se 48 orë para fillimit të tij.

Në këtë festival, i cili për herë të parë është mbajtur në vitin 2019, ishte planifikuar prezantimi i shumë yjeve nga Kosova dhe Shqipëria, si: Ledri Vula, Dhurata Dora, Noizy, Mozzik e Getinjo.

LEXO EDHE  Video/ Azemi bën deklaratën e papritur për Tolën: Do t'ia them hapur

Ky i fundit ka bërë një reagim në rrjete sociale ku publikon një video të një koncerti të mbajtur mbrëmë në Zvicër ku thuhet të jenë 15 apo 20 mijë njerëz.

“Sonte në Zvicër, në qytetin e Bernit 15 osë 20 mijë njerëz. Faleminderit Zvicër që e ke anuluar Alba Festival. Kjo është e padrejtë, ky është racizëm ky është diskriminim”, kanë qenë fjalët e tij.