Zyrtare/ Nuk ishte në preferencat e Ilir Dajës, sulmuesi largohet nga Partizani

Kevi Llanaj është larguar zyrtarisht nga Partizani. Sulmuesi i talentuar nuk gjeti shumë hapësira sezonin e kaluar në formacioni e Ilir Dajës dhe u aktivizua në pak ndeshje, ndërsa sot ka vendosur të largohet nga Partizani.

22-vjeçari përmes një postimi në rrjetet sociale ka bërë me dije se nuk do të jetë më pjesë e të kuqve duke mbyllur kështu përfundimisht aventurën e tij me Partizanin. Llanaj ka luajtur shumë ndeshje te Partizani B, ndërsa u afrua në skuadrën e parë pasi ishte një talent që premtonte shumë për të ardhmen.

LEXO EDHE  Skënderbeu, konfirmohen dy mungesa të rëndësishme ndaj Partizanit

Mungesa e hapësirave në formacionin e trajnerit Daja ka bindur lojtarin që të largohet dhe pritet që të mësohet se cila do të jetë e ardhmja e tij duke parë që merkato në Shqipëri mbyllet nesër.