“Unë jam një lojtar që mund të pranojë gjithcka por do të më pëlqente që gjërat të mi thoshin në sy , dhe jo sikur të mos kishte ndodhur asgjë, sikur të isha një 15 vjecar”. Miralem Pjanic nuk e fsheh zhgënjimin për trajtimin që i rezervoi trajneri i Barcelonës Ronald Koeman.
Boshnjaku kaloi një sezon me blaugranat, duke luajtur vetëm 6 ndeshje si titullar, për shkak të dëmtimeve dhe të mungesës së formës. Tani riniset nga Turqia ku u transferua në huazim te Besiktas. Pyetjessë të përditëshmes spanjolle Marca nëse Barcelona kishte treguar mungesë respekti për të, Pjanic ju përgjigj.
“Trajneri Koeman e bëri. Nuk mund të mësohesha me situatën që mu desh të përjetoja sezonin e shkuar. Unë jam një lojtar, dua të luaj futboll, pasi kjo më bën të lumtur. Gjithmonë kam dashur të luaj për Barcën, por nuk e prisja që situata të komplikohej kaq shumë. Kishte një moment kur po luaja më pak, gjërat po komplikohëshin. Kur luaja ishte e vështirë që të isha mira fizikisht dhe psikologjikisht. Kjo gjë po vriste besimin tim, pasi nuk kisha komunikim me Koeman. Ishte dicka shumë e çuditshme, pasi është trajneri që thotë se kush luan dhe kush jo, por ka mënyra të ndryshme për ti bërë gjërat. Ne jetë ajo që duhet të ndiodhë, ndodh. Kam luftuar gjatë gjithë jetës dhe gjatë gjithë karrierës, jam shumë ambicioz, shumë kompetitiv, kam arritur nivelin e Juventusit dhe Barcelonës. E di që mund të luaja për atë skuadër, thjesht nuk më dhanë mundësinë të konkuroj, të futem në grup dhe të ndihmoj më shumë”.
