Zv/Kryetari i Lëvizjes Socialiste për Integrim, Petrit Vasili ka qenë i ftuar në një intervistë ditën e sotme për Fax News, ku është pyetur nëse ish-Kryeministri Sali Berisha duhet të futet në Parlament pas vendimit të DASH për ta shpallur non-grata.
Vasili nuk pranoi të bente asnje koment, duke u mjaftuar thjesht se këto janë çështje të brendshme që i takojnë Partisë Demokratike.
“Nuk kam asnjë koment. Janë çështje tërësisht të brendshme të PD-së. LSI dotë ecë pa kthim mbrapa. Së pari duhet të hetohet deri ne fund, përgjegjësitë e atyre që kanë kapur reformen ne drejtesi. Të gjithë jemi dëshmitarë të një drejtësie në kolaps, që nuk funksionon. S’kemi qenë në parlament por kemi qenë shumë aktiv. Sot opozita duhet të luftojë 7 ditë të javës jashtë parlamentit, pranë qytetarëve. Së dyti, duhet të hetohet deri në fund 25 prilli. Kush nxorri të dhënat e qytetarëve? Kush shpërdori fondet publike? Kush ia dha në dorë të dhënat patronazhistëve? Kush shkeli në të gjitha pikat ligjin zgjedhor? Objektivi i tretë i madh është hetimi i kapjes së ekonomisë. Si mund të shmanget hetimi i dhjetëra koncesioneve të dhëna nga parlamenti njëpartiak. Pa zbardhur këto çeshtje… Ndërkohë që ne bisedojmë të tjerë largohen. Shqipëria qeveriset në mënyrën më të keqe, të pabesë të mundshme. Këto janë 3 rrugët ku duhet të ecë opozita, përndryshe ajo do të ishte një farsë. Përballë kemi një mazhorancë shkatërruese te 5 qershorit“, tha Vasili.
Rikujtojmë se DASH vendosi pak javë më parë të shpallë non-grata ish-Kryeministrin Berisha dhe familjen e tij për korrupsion. Ambasadorja e SHBA-ve i ka kërkuar Bashës distancim nga Berisha në Parlament, mirëpo deri më tani nuk ka një qëndrim të kreut të PD-së. Nga ana tjetër, Berisha ka dorëzuar një padi në Francë kundër Sejkretarit të Shtetit, Antony Blinken dhe ka deklaruar se do të futet në parlament, pavarësisht thirrjes së Ambasadores.
