Akuzat për pedofili ndaj reperit R.Kelly, zbardhet dëshmia e priftit

Getty

Prifti që celebroi në martesë këngëtarin e burgosur R Kelly dhe këngëtaren e ndjerë Aaliyah 25 vite më parë tha se martesa ishte një ceremoni mondane e cila zgjati vetëm 10 minuta dhe se çifti ishte veshur me kostum sportiv.

Unë nuk mendova se ishte dikush i veçantë dhe nuk e kuptova fare,” tha Nathan Edmond, tashmë 73 vjeç, në një gjyq të mërkurën.

Sipas “The Daily Beast”, prifti pranoi se nuk dinte për asnjë nga artistët e suksesshëm të R&B dhe se thjesht e bëri dasmën si një favor për një mik të përbashkët. Martesa u bë pasi Kelly zbuloi se Aaliyah ishte shtatzënë, siç dëshmoi më herët ish-menaxheri i tij.

Dy ditë pas martesës, këngëtari dyshohet se sulmoi seksualisht një vajzë 17-vjeçare pas një prej koncerteve të tij në Miami. Akuzuesja, e cila e identifikoi veten në gjykatë si Addie, i tha jurisë se ajo shkoi në koncert me shpresën për të parë Aayliah.

LEXO EDHE  E braktisi në moshën 15-vjeçare, Johnny Depp: Mamaja ime ishte qenia më e keqe njerëzore që kam takuar në jetë

Kelly, 54 vjeç, akuzohet për shantazh bazuar në rrëmbimin, shfrytëzimin seksual të fëmijëve dhe punën e detyruar, si dhe shkelje të Aktit Mann.

Këngëtari është deklaruar i pafajshëm dhe ka mohuar të gjitha akuzat për keqbërje, dhe ekipi i tij ligjor ka argumentuar, se Aaliyah nuk mund të flasë për martesën ose pretendimet se ajo ishte shtatzënë pasi është e vdekur. Këngëtarja vdiq në një aksident ajror menjëherë pasi u ngrit nga Bahamas së bashku me tetë pasagjerë të tjerë dy dekada më parë kur ajo ishte 22 vjeç.