Kryeministri Edi Rama foli këtë të Enjte për armiq të brendshëm të Partisë Socialiste. Ai porositi të vetët të mbajnë një profil të ulët dhe të angazhohen jo vetëm gjatë periudhës zgjedhore.
“E vërteta e hidhur është se pasqyra e partive shqiptare në pushtet prej 30 vitesh në sytë e komunitetit ngjan me filmin ‘koncert në vitin ‘36’. Kemi një tufë shefash që rendin e rrethojnë deputetin sapo shfaqet në territor. Të gjithë bashkë rrethojnë kryetarin e partisë kur shkojn në territor. Ai rreth të priviligjuarish është armik i partisë. Paria e kapardisur në rrugë e kafene në lokale të vendit duhen zhdukur nga sytë e popullit, nëse duan që shqiptarët të na afrohen”, tha Rama.
Kreu i qeverisë deklaroi se “reduktimi i partisë në një armatë rezervistësh vetëm për zgjedhje, zgjeron hendekun mes partive dhe qytetarëve jomilitantë, sidomos me më të rinjtë, të cilët sot vazhdojnë votojnë sipas traditës familjare”.
Rama foli për nevojën e një force të re politike, ku duhet të mbahen larg figurat si “çakej, agallarë provincialë, figura të konsumuara, cirk pelivanësh”.
“I gjithë organizmi i partisë ekspozohet ndaj infektimit të gjëndrave malinje që krijohen e zhvillohen, sepse shtyhet pafundësisht në kohë kura e duhur gjithmonë me justifikimin nuk është ky momenti më vonë. Kjo inerci vetëmjaftueshmërie. Ngjajmë me një cirk pelivanësh në sytë e publikut e tu duket si punë çakejsh në sytë më të rinjve që ndihen gjithmonë e më larg politikës. Partia nuk mund të zgjohet vetëm kur vijnë zgjedhjet dhe as të mbahet gjallë kur vijnë zgjedhjet si moçal interesash”, u shpreh.
“Punësimi në shtet nuk është terreni”, tha Rama duke kërkuar mosabuzime me punësimet nepotike apo partiake.
Ai kërkoi nga strukturat e partisë që ta kthejnë atë jo në një parti ku njerëzit afrohen për interes, por të jetë një “burim nxitje dhe pasioni që gjejnë kur bëjnë aktivitete të tjera sociale”.
“Ka një arsye pse kjo parti arrin aty ku shumë parti s’mund të arrijnë apo se kuptojnë ku duhet të arrijnë. Se i kemi lidhjet me njerëzit po s’janë lidhje që kemi garanci afatgjatë, janë lidhje që mund të këputen dhe po u këputen bëhen të pangjitshme. Hidhni sytë rreth e rrotull ku kanë përfunduar partitë e mëdha socialiste në veri, jug, apo lindje të Shqipërisë se s’kanë mundur për 1 mijë e një arsye të jenë një ushqim jo për interesat e ngushta po për shpirtin politik, mendje politike, pasionin politik”, shtoi ai.
Lexo edhe:
Asambleja e PS/ Rama: Të bëjmë të pamundurën për të fituar mandatin e katërt
