Pse dorëzuan mandatin e deputetit Gramoz Ruçi dhe Lefter Koka? Ja ç´thotë Rama

Kryeministri Edi Rama u pyet në studion e emisionin “Opinion” lidhur me dorëzimin e mandatit të deputetit nga Gramoz Ruçi dhe Lefter Koka, ndërsa u shpreh se arsyet janë bërë publike nga vetë ata.

Gjithsesi Rama ka vlerësuar rastin e tërheqjes nga politika të Gramoz Ruçit, për të cilin tha se është i vetmi politikan që nga maja e pushtetit vendos të tërhiqet nga politika.

“Është një moment i rëndësishëm, në këndvështrimin tim, pasi është i vetmi politikan që ga maja vendos të largohet. Më tha se ishte 70 vjeç dhe dëshironte që sa më shumë kohë t´ia kushtonte familjes, fëmijëve, nipave dhe mbesave. Iku si fitues”, tha Rama.

LEXO EDHE  Berisha zyrtarisht jashtë grupit parlamentar të Partisë Demokratike

Ndërkohë në rastin e Lefter Kokës, Rama nuk ka preferuar të bëjë komente, por tha se ai i ka sqaruar vetë arsyet.

“Dorëzimi i mandateve nuk ka lidhje me stinën e emisioneve Opinion”, tha Rama, duke mbyllur debatin mb çështjen.