Pogba me parametër zero, plani i Juventusit për yllin francez

Foto nga "teamtalk"

Pol Pogba përsëri te Juventusi mund të ishte deri para pak kohësh një fantazi merkatoje, por tani bardhezinjtë mund t’ia lejojnë vetes të ëndërrojnë. Francezi, kontrata e të cilit skadon në qershor 2022, nuk ka firmosur akoma rinovimin dhe nuk pati as qëllimin më të vogël për të lëvizur gjatë kësaj vere.

Mançester Junajtidi nuk ka gjetur akoma argumentet e duhur për ta bindur lojtarin të vazhdojë në Angli, gjë për të cilën me sa duket ka dyshimet e tij dhe nuk dihet nëse transferimi i Kristiano Ronaldos do të mund t’ia prishë mendjen mesfushorit për qëndrimin.

Në këto kushte në fund të sezonit të ardhshëm, Pogba do e gjente veten si një futbollist i lirë, një situatë dramatike për “Djajtë e kuq” që do e humbnin kështu për herë të dytë futbollistin me parametër zero, aq më tepër kur kanë paguar rreth 105 milionë euro për të dyja herët që e sollën në “Old Trafford”.

LEXO EDHE  Florian Marku zbret në ring, ndiqni ndeshjen LIVE

RIKTHIMI NË TORINO – Kur për të rinovuar do të duhet një super ofertë për lojtarin dhe agjentin e tij, nga Italia ëndërrojnë që të realizohet rikthimi i francezit që shpërtheu me bluzën e tyre. Dëshira e madhe e tifozëve dhe jo vetëm, mund të marrë udhë nëse sezoni i Pogabsë në Angli nuk shkon si duhet dhe nuk vjen oferta e duhur e rinovimit për të.

Nga Kontinasa, ajo që ngroh më së shumti janë raportet e shkëlqyera me Mino Raiolën, që në çdo rast do t’i kishte bardhezinjtë si zgjedhjen e tyre të parë, gjë që u tregua edhe në marrëveshjen mbi Mois Kenin. Pogba mund ta bëjë Juven të fluturojë përsëri, por drejtuesit në pritje të të rejave, po përpiqen të qëndrojnë me këmbë në tokë.