“Kur isha 10 vjeç shkova në Greqi”, ja si Lali Eri mashtroi afganët

Erion Veliaj, Kryebashkiaku i Tiranës, në jo pak raste shfaqet duke mashtruar. Së fundmi ai ka zgjedhur të mashtrojë afganët, që kanë ardhur në Shqipëri si refugjatë.

Në takimin me to, Veliaj, duke dashur të bëjë një krahasim mes situatës që afganëve sot me atë të shqiptarëve 30 vite më parë, një krahasim që më herët e ka bërë edhe Edi Rama, tha se kur ishte 10 vjeç kishte kaluar përmes malit dhe kishte shkuar në Greqi.

Në fakt Veliaj ka qenë 10 vjeç në vitin 1989 dhe nëse do të besojmë historinë e tij sot, atëherë del se ai paska kaluar kufirin pa rënë sistemi komunist. E ndërsa deri në 1990 vriteshin njerëzit në kufi, teksa tentonin të kalonin klonet, duket pak e çuditshme se si Lali Eri, 10 vjeçar, të ketë pasur guximin që të ketë shkuar në Greqi në 1989!

LEXO EDHE  Parashikimi i motit për ditën e premte, 17 shtator 2021

Ndaj dhe shprehja që gënjeshtra i ka këmbët e shkurtra i shkon për shtat historisë së treguar nga Erion Veliaj, i cili siç e ka nisur mund të vendosë një rekord, atë të mashtrimit jo vetëm përtej kufirit administrativ që menaxhon bashkia e Tiranës, por edhe përtej kufinjve shtetërorë të Shqipërisë.