Partizani ka qenë shumë pak aktiv në merkaton e verës. Largimet kanë qenë të shumta, ndërsa afrimet me pikatore. Pritej që në këtë periudhë gjithçka të ishte ndryshe, por drejtuesit së bashku me trajnerin Ilir Daja kanë preferuar të jenë të kujdesshëm për të bërë goditjet e duhura.
Në rrjetet sociale tifozët kanë shpërthyer për politikat e ndjekura nga ata duke kritikuar atë që po ndodh këtë verë në klubin e kuq.
E pikërisht për të shtuar dozat e ironisë duket se mendon Gentian Nora. Ish drejtori sportiv i Luftëtarit, që arriti të krijonte dikur një skuadër konkurruese në Superiore, shkruan: “Doni gjë drejtor tjetër? Se u merova këtu, llaç e beton”. Kujtojmë që pas largimit nga Luftëtari, Nora zgjodhi të “shtegonte” drejt Amerikës. Megjithatë vëmëndjen nga futbolli shqiptar asnjëherë s’e shkëput duke u rikthyer shpesh në skenë për shkak të batutave të tij me “ish”-at e kampionatit tonë.
