Ishte kthyer nga Londra, kush është i riu që iu bë atentat pranë banesës

Tajar Fetiu është 24-vjeçari i qëlluar me armë zjarri rreth mesnatës në Berat. Ai u transportua fillimisht në spitalin e Beratit e më pas në spitalin e Traumës në Tiranë për shkak të gjendjes së rënduar shëndetësore.

Tajar Fetiu

Zbardhen të tjera detaje nga ngjarja e ndodhur rreth mesnatës në Berat, ku u qëllua me armë zjarri një 24-vjeçar i identifikuar si Tajar Fetiu.

Ky i fundit dyshohet se u qëllua disa herë me pistoletë pranë banesës së tij në lagjen në lagjen “Dëshmoret e Kombit”, pranë Xhamisë. I plagosuri Tajar Fetiu u transportua fillimisht drejt spitalit Rajonal Berat, por për shkak të gjendjes së tij të rëndë ai u transportua më pas drejt spitalit të Traumës në Tiranë.

Vendi ku ndodhi plagosja

Policia njoftoi se ka identifikuar dy autorët e dyshuar të ngjarjes (Arnold Azizolli, 30 vjeç dhe Amarildo Dule, 30 vjeç, të dy banues në Berat), ndërsa dyshimet janë se kemi të bëjmë me një atentat të mirëmenduar.

LEXO EDHE  Gallata nga Kuvendi/ "Ndërprit seancën 47 minuta", Nikolla: Mirë, 15 minuta pushim

Në vendngjarje janë gjetur gjashtë gëzhoja pistolete, konfirmuan burime policore nga vendngjarja.

Tajar Fetiu, sipas fqinjëve, ishte larguar që në moshë të vogël nga Berati dhe jetonte në Londër, ndërsa në Shqipëri kthehej shpesh për pushimet e verës. Ndërkohë familja e tij jeton në Tiranë.

Ai nuk njihet si person me precedent penalë, ndërsa dyshimet për shkakun e ngjarjes, sipas hetuesve, mund të lidhen me ndonjë konflikt jashtë vendit. Megjithatë, hetimet vijojnë për zbardhjen e ngjarjes, ndërsa janë sekuestruar edhe kamera sigurie.

Lexo edhe:

Plagosja në Berat, shpallen në kërkim 2 autorët/ Emrat