Në orët e ardhshme një valë e nxehtë intensive do të përfshijë të gjithë Italinë. Ajo do të mbulojë, të gjithë gadishullin, veçanërisht të mërkurën.
Sistemi i alarmit i Ministrisë së Shëndetësisë, shënon për nesër 4 qytete me të kuq dhe 9 portokalli. Pika portokalli tregon temperaturat e larta dhe kushtet e motit që mund të kenë efekte negative në shëndetin e popullatës, veçanërisht në disa grupe të popullsisë. E kuqja është rreziku, i cili pritet që të vazhdojë për 3 ose më shumë ditë.
Edhe Mbrojtja Civile ngre alarmin: rreziku i zjarreve do të rritet në të gjithë vendin, falë temperaturave që mund të kalojnë 45 gradë, dhe për këtë arsye kërkohet vëmendja më e madhe nga institucionet dhe bashkëpunimi i qytetarëve.
Duke kërkuar angazhimin maksimal për të shmangur një emergjencë të re tha kreu i Departamentit Fabrizio Curcio. Në dritën e parashikimeve të motit: deri më 15 gusht, Italia do të goditet nga një valë e nxehtësisë afrikane, me temperatura që do të arrijnë 45 gradë në në jug, në 36-37 gradë në qytetet e Luginës po dhe deri në 28-30 gradë në 1.500 metra. “Një ngjarje ekstreme me pak precedentë” thonë ekspertët, e shkaktuar nga një fushë nën-tropikale me presion të lartë që do të godasë Mesdheun, e cila do të ketë epiqendrën e saj në ditët midis të martës dhe të enjtes.
