Koronavirusi/ Vaksinim i detyrueshëm edhe në Shqipëri? Ja çfarë thotë Rakacolli

Zëvendësministrja e Shëndetësisë, Mira Rakacolli tregoi sot nëse po mendojnë ta bëjnë të detyrueshëm vaksinimin kundër Covid-19 në vendin tonë.

Rakacolli tha për “Ditari” në A2 se Komiteti Teknik i Ekspertëve po diskuton për të vaksinuar fëmijët por ende nuk ka asnjë urdhër për ta bërë të detyrueshëm.

“Ka vende që e kanë nisur vaksinimin e fëmijëve, ndërsa ne e kemi në diskutim. Shumë shpejt do të ketë vendimmarrje për këtë. Sa i përket vaksinimit të arsimtarëve, nuk ka asnjë urdhër nga Ministria e Shëndetësisë për ta bërë të detyruar. Por, ka një proces sensibilizimi që të kryhet vaksina. Vaksinimi i detyruar është debat i gjerë dhe filozofik do të thosha, sepse ka të bëjë me lirinë e dikujt duke mos cenuar lirinë e dikujt tjetër. Kur jetojmë në komunitet, nuk kemi përgjegjësi vetëm për veten, por edhe për të tjerët. Populli shqiptar e ka kulturën e vaksinimit dhe unë besoj në këtë kulturë.”- tha Rakacolli.

LEXO EDHE  Tensionet në veri të Kosovës, komandati i KFOR-it: Kemi marrë masa...