Pas deklaratës së ambasadores reagon ish-ministri i Drejtësisë, Manjani: PD duhet të ndërpresë kontaktet me Yuri Kim

Pas deklaratave të ambasadores së SHBA në Tiranë, Yuri Kim, e cila pas takimit me Bashën në selinë blu, bëri një deklaratë mbi PD-në kanë qënë të ndryshme reagimet.

Një ndër to ka qënë dhe reagimi i ish ministrit të Drejtësisë Ylli Manjanit i cili deklaron se PD duhet të ndërpresë kontaktet me diplomaten Kim, pasi nuk ka çfarë i duhet një ambasadore e cila fyen një parti të tërë.

Reagimi i Ylli Manjanit

Për mendimin tim drejtuesit e Partisë Demokratike duhet të ndërpresin kontaktet me Ambasadorën Yuri Kim.

Është e papranueshme të vijohet komunikimi me diplomatë që të tregojnë se ç’duhet të bësh. Për më tepër, nuk ofrojnë asnjë garanci në këmbim. Është vendi të kujtojmë se si qeveria shkatërroi rregullat e zgjedhjeve dhe zonja Kim thjesht ra squk, megjithse po luante rolin e garantit politik.

LEXO EDHE  Dhunë në familje, armë zjarri pa leje dhe fishekë, arrestohet 39-vjeçari në Kamëz (Emri)

Nuk e di ç’i duhet opozitës një ambasadore e tillë, që jo vetëm nuk ndihmon por guxon edhe fyen një parti të tërë!?

Mendoj se një ambasadore e tillë e cila nuk e sheh të keqen tek monizmi dhe monistët, por merret me opozitën si gazetë e qeverisë, nuk i bën punë as Shqipërisë.

Defakto, nëse zbatohen rregullat e konventës së Vienës, zonja është nongrata. Mund ta mbajë qeveria moniste e Edi Ramës për punët e veta, por ajo smund t’u tregojë shqiptarëve se ç’duhet të bëjnë në vendin e tyre!

E ka të ndaluar!

Kolegët e saj kudo në Europë përzihen nga vendet ku shërbejnë për shumë më pak.